ചേളാരി: സമസ്ത കേരള ഇസ്ലാം മത വിദ്യാഭ്യാസ ബോര്‍ഡ് പൊതുപരീക്ഷ 2022 മാര്‍ച്ച് 11,12 തിയ്യതികളില്‍ വിദേശത്തും, 12, 13 തിയ്യതികളില്‍ ഇന്ത്യയിലും നടത്തുന്ന മദ്റസ പൊതുപരീക്ഷക്ക് 2021 നവംബര്‍ ഒന്ന് മുതല്‍ 30വരെ രജിസ്തര്‍ ചെയ്ത് ഫീസടക്കാം. നവംബര്‍ 30ന് ശേഷം സ്പെഷ്യല്‍ ഫീസോടുകൂടിയാണ് അപേക്ഷകള്‍ സ്വീകരിക്കുക.
ഓണ്‍ലൈന്‍ മുഖേനെയാണ് അപേക്ഷിക്കേണ്ടത്. https://online.samastha.info എന്ന സൈറ്റ് ഓപ്പണാക്കി മദ്റസ ലോഗിന്‍ ചെയ്താണ് അപേക്ഷകള്‍ സമര്‍പ്പിക്കേണ്ടത്. വിശദ വിവരങ്ങളടങ്ങിയ സര്‍ക്കുലറും, നിര്‍ദ്ദേശങ്ങളും മദ്റസ നോട്ടിഫിക്കേഷനില്‍ നല്‍കിയിട്ടുണ്ട്.