ചേളാരി: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് 2022 മാര്‍ച്ച് 12,13 തിയ്യതികളില്‍ നടത്തിയ പൊതുപരീക്ഷയില്‍ ഒരു വിഷയത്തില്‍ പരാജയപ്പെടുകയോ പങ്കെടുക്കാന്‍ കഴിയാതെ വരികയോ ചെയ്ത വിദ്യാര്‍ത്ഥികള്‍ക്കുള്ള ‘സേ’ പരീക്ഷക്കും കോവിഡ് പശ്ചാത്തലത്തില്‍ അനിവാര്യമായ കാരണങ്ങളാല്‍ പരീക്ഷയില്‍ പങ്കെടുക്കാന്‍ കഴിയാത്ത വിദ്യാര്‍ത്ഥികള്‍ക്കുള്ള സ്‌പെഷ്യല്‍ പരീക്ഷക്കും ഉത്തരപേപ്പര്‍ പുനഃപരിശോധനക്കും അപേക്ഷിക്കാനുള്ള അവസാന തിയ്യതി ഏപ്രില്‍ 30 ആണെന്ന് ഓഫീസില്‍ നിന്ന് അറിയിച്ചു. മെയ് 14, 15 തിയ്യതികളില്‍ അതാത് ഡിവിഷന്‍ കേന്ദ്രങ്ങളില്‍ വെച്ചാണ് പരീക്ഷ നടക്കുക.