‘പള്ളിയുടെയും മദ്രസയുടെയും നിർമ്മാണവും ഉദ്ഘാടന ചടങ്ങും സമുദായ സൗഹാർദത്തിന്റെ അട്ടപ്പാടി മാതൃക’

അട്ടപ്പാടി: പള്ളിയുടെയും മദ്രസയുടെയും നിർമ്മാണവും ഉദ്ഘാടനചടങ്ങും സമുദായ സൗഹാർദത്തിന്റെ ഉദാത്ത മാതൃക സൃഷ്ടിച്ചിരിക്കുന്നു.  പാലക്കാട് ജില്ലയിലെ അട്ടപ്പാടി മേഖലയിൽ പെട്ട പുതൂർ ഗ്രാമപഞ്ചായത്തിലാണ് സമുദായ സൗഹാർദത്തിന് സമാനതകളില്ലാത്ത ഈ മാതൃകക്ക് വേദിയായത്. 2019ലെ ഉരുൾപൊട്ടലിൽ ഒരു ഭാഗം പൂർണമായും തകർന്നു ഏതുനിമിഷവും നിലംപൊത്താറായി നിൽക്കുന്ന പുതൂർ ബയാനുൽ
ഇസ്ലാം ജുമുഅത്ത് പള്ളിയും മദ്രസയുമാണ് പുതുക്കിപ്പണിതത്. പ്രവർത്തിയുടെയും രണ്ടിന്റെയും ഉദ്ഘാടന ചടങ്ങുമാണ് നമ്മുടെ രാജ്യത്തിന് അഭിമാനമായ മുഹൂർത്തം പങ്കുവെച്ചത്.
പുതൂർ പഞ്ചായത്തിലെ ഏക മസ്ജിദും മദ്രസയുമാണിത്. ഇരുപതോളം മുസ്ലിം കുടുംബങ്ങൾ
മാത്രമുള്ള ഇവിടെ നാട്ടുകാർക്ക് മസ്ജിദും മദ്രസയും നിര്‍മ്മിക്കാന്‍ ഒരു മാർഗ്ഗവും ഉണ്ടായിരുന്നില്ല. ഈ സാഹചര്യത്തിലാണ് സമസ്ത കൈത്താങ്ങ് ഫണ്ടിൽനിന്ന് ഒരു ചെറിയ സഹായം സ്വീകരിച്ച് അവർ പ്രവർത്തന ഗോദയിൽ ഇറങ്ങിയത്. സമസ്ത കേരള ഇസ്ലാം മത വിദ്യാഭ്യാസ ബോർഡ് എക്സിക്യൂട്ടീവ് അംഗം അബ്ദുസ്സമദ് പൂക്കോട്ടൂരും വിദ്യാഭ്യാസ ബോർഡ് മാനേജർ മോയിന്‍കുട്ടി മാസ്റ്ററും സ്ഥലം സന്ദർശിച്ചു ഒരു വീഡിയോ ക്ലിപ്പ് തയ്യാറാക്കി ഉദാരമതികളില്‍ നിന്നും സഹായം അഭ്യർത്ഥിച്ചിരുന്നു.
പള്ളി നിൽക്കുന്ന ഏഴര സെൻറ് സ്ഥലത്തിന്റെ പ്രധാന ഭാഗങ്ങളെല്ലാം ഉരുൾപൊട്ടൽ മൂലം നഷ്ടപ്പെട്ടിരുന്നു.
തകർന്ന ഭാഗം 10 മീറ്ററോളം താഴ്ചയിൽ നിന്ന് കെട്ടിപ്പൊക്കി വേണം പള്ളിയും മദ്രസയും സ്ഥാപിക്കാൻ 50 ലക്ഷത്തോളം രൂപയാണ് മതിപ്പു ചെലവ് കണക്കാക്കിയത്.
വീഡിയോ സന്ദേശം ഒരാഴ്ച സോഷ്യൽമീഡിയയിൽ പ്രചരിച്ചിരുന്നു. അപ്പോഴേക്കും ആവശ്യമായ തുക ലഭിക്കുകയുണ്ടായി. പള്ളി പുനർനിർമിക്കാൻ സ്ഥലം കൂടി ലഭ്യമാവേണ്ടതുണ്ടായിരുന്നു. ഈ സന്ദർഭത്തിലാണ് പള്ളിയുടെ തൊട്ടടുത്ത സ്ഥലമുടമ അമ്മിണിയമ്മ കമ്മിറ്റി ഭാരവാഹികളെ സമീപിച്ച് ആവശ്യമായ സ്ഥലം സൗജന്യമായി വിട്ടു തരാമെന്ന് അറിയിച്ചത്. പാണക്കാട് സയ്യിദ് ഹമീദലി ശിഹാബ് തങ്ങൾ മുഖേന സ്ഥലം ഏറ്റുവാങ്ങി.
ഇന്നലെ (31-3-2022) നടന്ന ഉദ്ഘാടന ചടങ്ങും മറ്റൊരു മാതൃകയായി. പുതൂരിലെയും പരിസര പ്രദേശത്തെയും സഹോദരസമുദായ അംഗങ്ങളും ക്ഷേത്രത്തിലെ പൂജാരികളും ഗ്രാമപഞ്ചായത്ത് പ്രസിഡണ്ട് ജ്യോതി അനിൽകുമാർ ഉൾപ്പെടെ ജനപ്രതിനിധികളും സംബന്ധിച്ച ഉദ്ഘാടന സദസ് ഏറെ പ്രൗഡമായിരുന്നു.
സമസ്തയുടെ 250ഓളം കൊടികളും തോരണങ്ങളും കെട്ടി അലങ്കരിച്ചതും സഹോദര സമുദായാംഗങ്ങളാണ്. അതിഥികൾക്ക് നൽകാനുള്ള ഇളനീറും ഇവരുടെ വക തന്നെ. ഒരു ഗ്രാമം മുഴുവനും കക്ഷി രാഷ്ട്രീയ മത ഭേദമന്യെ ഈ ആഘോഷത്തില്‍ പങ്കുചേര്‍ന്നു.
കഴിഞ്ഞകാല പാരമ്പര്യം നഷ്ടപ്പെട്ടുകൊണ്ടിരിക്കുന്ന മതേതര ഇന്ത്യയുടെ വീണ്ടെടുപ്പിനുള്ള സന്ദേശം കൂടിയാണ് ഭാവിതലമുറക്ക് പകർന്നു നൽകിയത്. പുനർനിർമ്മിച്ച പള്ളിയുടെയും മദ്രസയുടെയും ഉദ്ഘാടനം ഏലംകുളം ബാപ്പു മുസ്ലിയാരും, ഓഫീസ് ഉദ്ഘാടനം ഒ.എം സൈനുൽ ആബിദ് തങ്ങള്‍ മേലാറ്റൂരും നിർവഹിച്ചു. സമസ്ത കേരള ഇസ്ലാം മത വിദ്യാഭ്യാസ ബോർഡ് ജനറൽ മാനേജർ കെ മോയിൻകുട്ടി മാസ്റ്റർ അധ്യക്ഷനായി. എസ്.വൈ.എസ് സംസ്ഥാന സെക്രട്ടറി അബ്ദുസ്സമദ് പൂക്കോട്ടൂർ മുഖ്യപ്രഭാഷണം നടത്തി.
മൂസ ദാരിമി, നാസർ ഫൈസി, അബ്ദുല്‍ ഖയ്യൂം, ഹംസക്കോയ ഹാജി ചേളാരി, സുലൈമാന്‍ ഫൈസി, ഐ  മുഹമ്മദ് ഹാജി, മുത്തുകുട്ടി അണ്ണന്‍, സൈതലവി അന്‍വരി, മുഹമ്മദ് ബഷീർ, ഫൈസൽ അൻവരി, അബ്ദുറഷീദ് അൻവരി, സഹദ് സഖാഫി, ഷെരീഫ് അൻവരി, ഉമ്മര്‍, അബ്ദുസ്സലാം, ഹനീഫ, മുജീബ്, ജഅ്ഫർ, പി.കെ വെങ്കടാചലം, ഗണേശന്‍ പൂജാരി, കെ ധർമ്മരാജ്, എം മുരുകേശന്‍, മൂർത്തി ആലമരം, ഷണ്മുഖൻ, പി.ഐ ജോർജ്, സമ്പത്ത്, ബുട്ടാൻ അരണിക്കുളം, മൂപ്പന്‍ രാമകൃഷ്ണന്‍, ആർ നഞ്ചുന്‍, ശരണവൻ, നവജീവന്‍ ചാരിറ്റബിൾ ട്രസ്റ്റ് അംഗങ്ങൾ എന്നിവർ സംബന്ധിച്ചു.

ഹിജാബ്: കര്‍ണാടക ഹൈക്കോടതി വിധിക്കെതിരെ സമസ്ത സുപ്രീംകോടതിയില്‍

ന്യൂഡല്‍ഹി: കര്‍ണാടകയിലെ വിദ്യാലയങ്ങളില്‍ ഹിജാബ് നിരോധനം ശരിവെയ്ക്കുകയും ഹിജാബ് ഇസ്‌ലാമില്‍ അനിവാര്യമല്ലെന്ന നിരീക്ഷണം നടത്തുകയും ചെയ്ത കര്‍ണാടക ഹൈക്കോടതി വിധിക്കെതിരെ സമസ്ത കേരള ജംഇയ്യത്തുല്‍ ഉലമ സുപ്രീം കോടതിയെ സമീപിച്ചു. സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി പ്രൊഫ.കെ. ആലിക്കുട്ടി മുസ്‌ലിയാരാണ് കോടതിയെ സമീപിച്ചത്.
മുസ്‌ലിം സ്ത്രീകള്‍ പൊതുസ്ഥലങ്ങളില്‍ തലയും കഴുത്തും മറയ്ക്കുക എന്നത് ഖുര്‍ആന്‍ വ്യാഖ്യാനങ്ങളുടെയും പ്രവാചകാധ്യാപനത്തിന്റെയും അടിസ്ഥാനത്തില്‍ നിര്‍ബന്ധമാണ്. തലയും കഴുത്തും മറയ്ക്കാന്‍ ലോകത്തെ പല ഭാഗങ്ങളിലുമുള്ളവര്‍ സാഹചര്യത്തിനനുസരിച്ച് വിവിധ തരത്തിലുള്ള വസ്ത്രങ്ങള്‍ ഉപയോഗിച്ചുവരുന്നുണ്ട്. ഹിജാബ് ഇസ്‌ലാമില്‍ അനിവാര്യമാണെന്നും ഹരജയില്‍ പറയുന്നു.
ഹിജാബുമായി ബന്ധപ്പെട്ട് കര്‍ണാടക ഹൈക്കോടതി അവലംബിച്ച ഖുര്‍ആന്‍ പരിഭാഷകന് വന്ന പിഴവാണ് ഹിജാബ് ഇസ്‌ലാമില്‍ നിര്‍ബന്ധമല്ലെന്ന കോടതിയുടെ തെറ്റായ നിരീക്ഷണത്തിന് ഇടയാക്കിയത്. ഖുര്‍ആനില്‍ ഒന്നിലധികം സ്ഥലങ്ങളില്‍ ഹിജാബ് നിര്‍ബന്ധമാക്കിയ സൂക്തങ്ങളുണ്ടെന്നും ഹരജിയില്‍ ഉദാഹരണ സഹിതം ചൂണ്ടിക്കാട്ടുന്നു.
ഇതുസംബന്ധിച്ച ഹദീസുകളും തര്‍ക്കമില്ലാത്തവയാണ്. ഹിജാബ് എന്ന വാക്ക് ഖുര്‍ആനില്‍ ഉപയോഗിച്ചിട്ടില്ല എന്നതുകൊണ്ട് ശിരോവസ്ത്രത്തെ വിലക്കാന്‍കഴിയില്ല. കര്‍ണാടകയിലെ വിദ്യാഭ്യാസ സ്ഥാപനങ്ങളില്‍ ഹിജാബ് വിലക്കിയ കര്‍ണാടക സര്‍ക്കാര്‍ നടപടി ഭരണഘടനാ വിരുദ്ധമാണ്. അതത് വിദ്യാഭ്യാസ സ്ഥാപനങ്ങളിലെ യൂണിഫോമിന്റെ നിറത്തിനനുസരിച്ച് ഹിജാബ് ധരിക്കാന്‍ മുസ്‌ലിം പെണ്‍കുട്ടികള്‍ക്ക് അനുമതി നല്‍കണം.
സ്ഥാപനത്തില്‍ പ്രവേശിക്കാന്‍ ശിരോവസ്ത്രം നീക്കം ചെയ്യണമെന്ന് നിര്‍ബന്ധിക്കുന്നത് ബഹുസ്വരതക്ക് വിരുദ്ധവും നാനാത്വത്തില്‍ ഏകത്വമെന്ന ആശയത്തെ അവഹേളിക്കുകയും ചെയ്യുന്നതാണ്.
എല്ലാവരും ഒരേ രീതിയില്‍ വസ്ത്രം ധരിക്കണമെന്ന് നിര്‍ബന്ധിക്കുന്നത് നാസിപ്രത്യശാസ്ത്രത്തിന്റെ പകര്‍പ്പാണെന്നും ഹരജിയില്‍ പറയുന്നു. ഇതുസംബന്ധിച്ച കര്‍ണാടക ഹൈക്കോടതിവിധി സ്റ്റേ ചെയ്യണമെന്നും ഹരജിയില്‍ ആവശ്യപ്പെട്ടു.
നിലവില്‍ മുത്വലാഖ്, അനന്തരവകാശം, വിവാഹം, ജുവൈനല്‍ ജസ്റ്റിസ് ആക്ട്, പൗരത്വനിയമഭേദഗതി, സ്ഥാപനങ്ങളുടെ ന്യൂനപക്ഷസ്വഭാവം, ബഹുഭാര്യത്വം തുടങ്ങി ഏഴ് വിഷയങ്ങളില്‍ സമസ്ത സുപ്രീം കോടതിയില്‍ കേസ് നടത്തിവരുന്നുണ്ട്. അതോടൊപ്പം മറ്റു പല കേസുകളിലു ആള്‍ ഇന്ത്യ പേഴ്‌സണല്‍ ലോബോര്‍ഡിനൊപ്പം നിവരവധി കേസുകളില്‍ സഹകരിക്കുന്നുമുണ്ട്. കേസില്‍ മുതിര്‍ന്ന അഭിഭാഷകരക്കൊ പ്പം അഡ്വക്കറ്റ് ഓണ്‍ റെക്കോര്‍ഡ് സുല്‍ഫീക്കര്‍ അലി പി.എസ്, മുഹമ്മദ് ത്വയ്യിബ് ഹുദവി എന്നിവരും ഹാജരാകും.

തമിഴ്‌നാട്ടില്‍ സമസ്തുടെ പ്രവര്‍ത്തനം ശക്തിപ്പെടുത്താന്‍ പദ്ധതികള്‍

കോയമ്പത്തൂര്‍: തമിഴ്‌നാട്ടില്‍ സമസ്തയുടെ പ്രവര്‍ത്തനങ്ങള്‍ കൂടുതല്‍ ശക്തിപ്പെടുത്താനുള്ള പദ്ധതികള്‍ക്ക് കോയമ്പത്തൂര്‍ ഖാഇദെ മില്ലത്ത് അക്കാദമിയില്‍ ചേര്‍ന്ന സമസ്ത തമിഴ്‌നാട് കണ്‍വെന്‍ഷന്‍ രൂപം നല്‍കി. കണ്‍വെന്‍ഷനോടനുബന്ധിച്ച് പാണക്കാട് സയ്യിദ് ഹൈദരലി ശിഹാബ് തങ്ങള്‍ അനുസ്മരണ സദസ്സും സംഘടിപ്പിച്ചു. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി. അബ്ദുല്ല മുസ്‌ലിയാരുടെ അദ്ധ്യക്ഷതയില്‍ സമസ്ത കേരള ജംഇയ്യത്തുല്‍ ഉലമാ കേന്ദ്ര മുശാവറ അംഗവും സമസ്ത പ്രവാസി സെല്‍ സംസ്ഥാന ചെയര്‍മാനുമായ ആദൃശ്ശേരി ഹംസക്കുട്ടി മുസ്‌ലിയാര്‍ ഉല്‍ഘാടനം ചെയ്തു. സമസ്ത വിദ്യാഭ്യാസ ബോര്‍ഡ് എക്‌സിക്യൂട്ടീവ് അംഗം എസ്. സഈദ് മുസ്‌ലിയാര്‍ വിഴിഞ്ഞം മുഖ്യപ്രഭാഷണം നടത്തി. ഒ.കെ. ഇമ്പിച്ചിക്കോയ തങ്ങള്‍ ഗൂഢല്ലൂര്‍, പി.ഹംസ പോണ്ടിച്ചേരി പ്രസംഗിച്ചു. ഹാഫിള് സമീര്‍ ചെന്നൈ സ്വാഗതവും എം.എ. റഷീദ് കോയമ്പത്തൂര്‍ നന്ദിയും പറഞ്ഞു.
എം.ടി. അബ്ദുല്ല മുസ്‌ലിയാര്‍, പി.കെ. ഹംസക്കുട്ടി മുസ്‌ലിയാര്‍ ആദൃശ്ശേരി, എസ്. സഈദ് മുസ്‌ലിയാര്‍, കെ. മോയിന്‍കുട്ടി മാസ്റ്റര്‍ എന്നിവര്‍ രക്ഷാധികാരികളും ഹാഫിള് സമീര്‍ ചെന്നൈ ചെയര്‍മാനും പി.ഹംസ പോണ്ടിച്ചേരി കണ്‍വീനറും എം.എ. റശീദ് കോയമ്പത്തൂര്‍ ട്രഷററുമായി സമസ്ത തമിഴ്‌നാട് സ്റ്റേറ്റ് കോ ഓഡിനേഷന്‍ കമ്മിറ്റി രൂപീകരിച്ചു. ഇ.വി. ഖാജാ ദാരിമി, ടി.പി. അബൂബക്കര്‍ മുസ്‌ലിയാര്‍, ശരീഫ് ദാരിമി, സൈദലവി റഹ്‌മാനി, ഹനീഫ ഫൈസി, മൊയ്തീന്‍കുട്ടി റഹ്‌മാനി(ഗൂഢല്ലൂര്‍), കെഎച്ച്.എ. നാസര്‍, സമീര്‍ കീര്‍ത്തി, സൈഫുദ്ദീന്‍ (കോയമ്പത്തൂര്‍), കെ.കെ. റശീദ്, സൈഫുദ്ദീന്‍ (പൊള്ളാച്ചി) സൈഫുദ്ദീന്‍ ഹാജി, ഫൈസല്‍, ഉമര്‍ ഫാറൂഖ്, മുസ്തഫ ഹാജി, മുജീബ് (ചെന്നൈ), യൂനുസ്, യൂസുഫ് (ഈരോട്), സാജിദ് (ഊട്ടി), സഹീര്‍ (ട്രിച്ചി), അബ്ദുറഹിമാന്‍ കണിയാരത്ത്, അബ്ദുന്നാസര്‍ (പോണ്ടിച്ചേരി) അബ്ദുറസാക്, ഉവൈസ് (തിരുപ്പൂര്‍), മുഹമ്മദലി ഹാജി (ചിദംബരം), മുഹമ്മദലി(ഒസൂര്‍), ഹനീഫ് ഫൈസി, പി.സി. അന്‍വര്‍ ദാരിമി, ബി. അബ്ദുല്‍ ഗഫൂര്‍ എന്നിവര്‍ അംഗങ്ങളാണ്.

അസ്മി മാർഗ രേഖ പ്രകാശനം ചെയ്തു

കോഴിക്കോട്; അസോസിയേഷൻ ഓഫ് സമസ്ത മൈനോറിറ്റി ഇൻസ്റ്റിറ്റ്യൂഷൻസ് (അസ്മി )  മാർഗ രേഖ പ്രകാശനം ചെയ്തു. സമസ്ത കേരള ജംഇയ്യത്തുൽ ഉലമ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങൾ ജനറൽ സെക്രട്ടറി പ്രൊ.കെ ആലിക്കുട്ടി മുസ്‌ലിയാർക്ക് കോപ്പി നൽകിക്കൊണ്ടാണ് പ്രകാശനം ചെയ്തത്. ചടങ്ങിൽ വിദ്യാഭ്യാസ ബോർഡ് പ്രസിഡണ്ട് പി കെ മൂസക്കുട്ടി ഹസ്രത്ത് അധ്യക്ഷത വഹിച്ചു, ജനറൽ സെക്രട്ടറി എം.ടി അബ്ദുല്ല മുസ്‌ലിയാർ . ഡോ. ബഹാഉദ്ധീൻ മുഹമ്മദ് നദവി, മൊയ്തീൻകുട്ടി ഫൈസി വാക്കോട്, എ.വി അബ്ദു റഹ്മാൻ മുസ്ലിയാർ, കെ. ടി ഹംസ മുസ്‌ലിയാർ, കെ ഉമർ ഫൈസി മുക്കം,  ഡോ. എൻ.എ.എം അബ്ദുൽ ഖാദർ, മൊയ്തീൻ ഫൈസി പുത്തനഴി, അബ്ദുസ്സമദ് പൂക്കോട്ടൂർ, അബ്ദുൽ ഹമീദ് ഫൈസി അമ്പലക്കടവ്, എം സി മായിൻ ഹാജി, സഈദ് മുസ്ലിയാർ വിഴിഞ്ഞം അബ്ദു റഹ്മാൻ മുസ്ലിയാർ കൊടക്, സഇസ്മാഈൽ കുഞ്ഞു ഹാജി മാന്നാർ, അബ്ദുല്ല മാസ്റ്റർ കോട്ടപ്പുറം, മാനേജർ കെ മോയിൻകുട്ടി മാസ്റ്റർ, ഒ.കെ.എം കുട്ടി ഉമരി എന്നിവർ സംബന്ധിച്ചു.

സമസ്തയുടെ അംഗീകൃത മദ്റസകള്‍ 10,462 ആയി

skimvb logo

ചേളാരി: സമസ്ത കേരള ഇസ്ലാം മത വിദ്യാഭ്യാസ ബോര്‍ഡിന്റെ അംഗീകൃത മദ്റസകളുടെ എണ്ണം 10,462 ആയി. ശനിയാഴ്ച കോഴിക്കോട് ചേര്‍ന്ന സമസ്ത കേരള ഇസ്ലാം മത വിദ്യാഭ്യാസ
ബോര്‍ഡ് നിര്‍വ്വാഹക സമിതി യോഗം പുതുതായി മൂന്ന് മദ്റസകള്‍ക്ക് കൂടി അംഗീകാരം നല്‍കി.
ജലാലിയ്യത്തുല്‍ ഖാദിരി മദ്റസ കോട്ടാര്‍ (കന്യാകുമാരി), മദ്റസത്തുതഖ്വ റഹ്മത്ത് നഗര്‍, പടിഞ്ഞാറങ്ങാടി
(പാലക്കാട്), ബാബുല്‍ ഉലൂം ബ്രാഞ്ച് മദ്റസ ചോലക്കല്‍, മുണ്ടിതൊടിക (മലപ്പുറം) എന്നീ
മദ്റസകള്‍ക്കാണ് പുതുതായി അംഗീകാരം നല്‍കിയത്.
സമസ്ത കേരള ജംഇയ്യത്തുല്‍ ഉലമാ വൈസ് പ്രസിഡന്റും വിദ്യാഭ്യാസ ബോര്‍ഡ് ട്രഷററുമായിരുന്ന പാണക്കാട് സയ്യിദ് ഹൈദരലി ശിഹാബ് തങ്ങളുടെ മഗ്ഫിറത്തിന് വേണ്ടി പ്രാര്‍ത്ഥിച്ചുകൊണ്ടാണ് യോഗനടപടികള്‍ ആരംഭിച്ചത്.
സമസ്ത കൈത്താങ്ങ് പദ്ധതി ഫണ്ട് സമാഹരണത്തിന് വേണ്ടി പ്രവര്‍ത്തിച്ചവരെയും സംഭാവന നല്‍കിയവരെയും യോഗം അഭിനന്ദിച്ചു. സമാഹരിച്ച തുകകള്‍ അടക്കാന്‍ ബാക്കിയുള്ളവര്‍ എത്രയും വേഗം നല്‍കേണ്ടതാണെന്നും യോഗം അഭ്യര്‍ത്ഥിച്ചു. തുടര്‍ന്നുള്ള വര്‍ഷങ്ങളില്‍ കൈത്താങ്ങ് പദ്ധതിക്കു വേണ്ടിയുള്ള ഫണ്ട് സമാഹരണം ജുമാദുല്‍ ഉലാ മാസത്തില്‍ നടത്താന്‍ തീരുമാനിച്ചു.
പ്രസിഡന്റ് പി.കെ മൂസക്കുട്ടി ഹസ്രത്ത് അദ്ധ്യക്ഷനായി. ജനറല്‍ സെക്രട്ടറി എം.ടി അബ്ദുല്ല മുസ്ലിയാര്‍ സ്വഗാതം പറഞ്ഞു. സമസ്ത ജംഇയ്യത്തുല്‍ ഉലമാ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ
തങ്ങള്‍ ഉദ്ഘാടനം ചെയ്തു.  ജനറല്‍ സെക്രട്ടറി  പ്രൊഫ.  കെ ആലിക്കുട്ടി മുസ്ലിയാര്‍, കെ.ടി ഹംസ മുസ്ലിയാര്‍, ഡോ. ബഹാഉദ്ദീന്‍ മുഹമ്മദ് നദ്വി കൂരിയാട്, കെ ഉമ്മര്‍ ഫൈസി മുക്കം, എ.വി അബ്ദുറഹിമാന്‍
മുസ്ലിയാര്‍ നന്തി, വാക്കോട് മൊയ്തീന്‍ കുട്ടി ഫൈസി, ഡോ. എന്‍.എ.എം അബ്ദുല്‍ഖാദിര്‍, എം.സി മായിന്‍
ഹാജി, കെ.എം അബ്ദുല്ല മാസ്റ്റര്‍ കൊട്ടപ്പുറം, ഒ അബ്ദുല്‍ ഹമീദ് ഫൈസി അമ്പലക്കടവ്, അബ്ദുസ്സമദ് പൂക്കോട്ടൂര്‍, ഇ മൊയ്തീന്‍ ഫൈസി പുത്തനഴി, ഇസ്മാഈല്‍ കുഞ്ഞു ഹാജി മാന്നാര്‍, എസ്. സഈദ്
മുസ്ലിയാര്‍ വിഴിഞ്ഞം, എം അബ്ദുറിഹമാന്‍ മുസ്ലിയാര്‍ കൊടക് ചര്‍ച്ചയില്‍ പങ്കെടുത്തു. മാനേജര്‍
കെ. മോയിന്‍ കുട്ടി മാസ്റ്റര്‍ നന്ദി പറഞ്ഞു.

വ്യാജ ത്വരീഖത്തുകളില്‍ നിന്ന് വിട്ടു നില്‍ക്കുക – സമസ്ത

കോഴിക്കോട്: വ്യാജ ത്വരീഖത്തുകളില്‍ നിന്ന് വിട്ടുനില്‍ക്കണമെന്ന് സമസ്ത കേരള ജംഇയ്യത്തുല്‍ ഉലമാ കേന്ദ്ര മുശാവറ യോഗം അഭ്യര്‍ത്ഥിച്ചു. സമസ്ത കേരള ജംഇയ്യത്തുല്‍ ഉലമാ നേരത്തെ തള്ളിപറഞ്ഞ നൂരിഷ, ആലുവ തുടങ്ങിയ പേരില്‍ അറിയപ്പെട്ടിരുന്ന വ്യാജ ത്വരീഖത്തുകളെ വെള്ള പൂശിയും മഹാന്മാരിലേക്ക് ചേര്‍ക്കപ്പെടുന്ന ത്വരീഖത്തുകളുടെ പേരില്‍ ഇപ്പോള്‍ രംഗത്ത് വന്ന് വിശ്വാസികളെ തെറ്റിദ്ധരിപ്പിക്കുകയും  ചെയ്യുന്ന ചില വ്യക്തികളുടെ ചെയ്തികളില്‍ നിന്ന് സമൂഹം വിട്ടു നില്‍ക്കണമെന്നും യോഗം അഭ്യര്‍ത്ഥിച്ചു.
ശരീഅത്തിന് വിരുദ്ധമായ പ്രവര്‍ത്തനങ്ങള്‍ നടത്തുന്ന ചിലരും ത്വരീഖത്തിന്റെ വക്താക്കളായി വിശ്വാസി സമൂഹത്തെ കബളിപ്പിക്കുന്നതായി ശ്രദ്ധയില്‍ പെട്ടിട്ടുണ്ട്. അത്തരക്കാരുമായി സഹകരിക്കുകയും അവരുടെ പരിപാടിയില്‍ പങ്കെടുക്കുന്നത് ഒഴിവാക്കേണ്ടതാണെന്നും യോഗം അഭ്യര്‍ത്ഥിച്ചു.
ത്വരീഖത്തിന്റെ മാര്‍ഗത്തില്‍ ഏതെല്ലാം ആരെയെല്ലാം പിന്തുടരാമെന്ന് സമസ്ത കേരള ജംഇയ്യത്തുല്‍ ഉലമാ പണ്ഡിതന്മാരെ സമീപിച്ച് വ്യക്തത വരുത്തേണ്ടതാണെന്നും യോഗം അഭ്യര്‍ത്ഥിച്ചു.
സമസ്ത കേരള ജംഇയ്യത്തുല്‍ ഉലമായുടെ കീഴില്‍ നടത്തപ്പെടുന്ന മുഴുവന്‍ സ്ഥാപനങ്ങള്‍ക്കും പ്രത്യേകം മാര്‍ഗദര്‍ശനവും പെരുമാറ്റച്ചട്ടവും നല്‍കാന്‍ തീരുമാനിച്ചു.
‘വഹാബിസം, ലിബറലിസം, മതനിരാസം’ എന്ന പ്രമേയത്തെ അടിസ്ഥാനമാക്കി എസ്.വൈ.എസ്. സംസ്ഥാന കമ്മിറ്റി നടത്തുന്ന ക്യാമ്പയിന്‍ വിജയിപ്പിക്കാന്‍ യോഗം അഭ്യര്‍ത്ഥിച്ചു.
പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ അദ്ധ്യക്ഷനായി. ജനറല്‍ സെക്രട്ടറി പ്രൊഫ. കെ ആലിക്കുട്ടി മുസ്ലിയാര്‍ സ്വാഗതം പറഞ്ഞു. എം.ടി അബ്ദുല്ല മുസ്ലിയാര്‍, പി.പി ഉമര്‍ മുസ്ലിയാര്‍ കൊയ്യോട്, പി.കെ മൂസക്കുട്ടി ഹസ്രത്ത്, കെ.ടി ഹംസ മുസ്ലിയാര്‍, എം.കെ മൊയ്തീന്‍ കുട്ടി മുസ്ലിയാര്‍, കെ.പി.സി തങ്ങല്‍ വല്ലപ്പുഴ, എം.പി കുഞ്ഞു മുഹമ്മദ് മുസ്ലിയാര്‍, വി മൂസക്കോയ മുസ്ലിയാര്‍, ടി.എന്‍ ഇബ്രാഹീം കുട്ടി മുസ്ലിയാര്‍, കെ ഹൈദര്‍ ഫൈസി, ഡോ. ബഹാഉദ്ദീന്‍ മുഹമ്മദ് നദ്വി, എം. മൊയ്തീന്‍ കുട്ടി ഫൈസി വാക്കോട്, കെ ഉമര്‍ ഫൈസി മുക്കം, എ.വി അബ്ദുറഹിമാന്‍ മുസ്ലിയാര്‍, കെ.കെ.പി അബ്ദുല്ല മുസ്ലിയാര്‍, പി.കെ ഹംസകുട്ടി ബാഖവി ആദൃശ്ശേരി, ഐ.ബി ഉസ്മാന്‍ ഫൈസി, എം.എം അബ്ദുല്ല ഫൈസി, എം.പി മുസ്തഫല്‍ ഫൈസി, ബി.കെ അബ്ദുല്‍ഖാദിര്‍ ഫൈസി ബംബ്രാണ, എം.വി ഇസ്മാഈല്‍ മുസ്ലിയാര്‍, കാടേരി മുഹമ്മദ് മുസ്ലിയാര്‍ ചര്‍ച്ചയില്‍ പങ്കെടുത്തു.

അഞ്ച് മദ്‌റസകള്‍ക്ക് കൂടി അംഗീകാരം നല്‍കി സമസ്ത മദ്‌റസകളുടെ എണ്ണം 10451 ആയി

skimvb logo

ചേളാരി: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് നിര്‍വ്വാഹക സമിതി യോഗം പുതുതായി അഞ്ച് മദ്‌റസകള്‍ക്ക് കൂടി അംഗീകാരം നല്‍കി. ഇതോടുകൂടി സമസ്തയുടെ അംഗീകൃത മദ്‌റസകളുടെ എണ്ണം 10451 ആയി.  ഹിദായത്തുല്‍ ഇസ്‌ലാം മദ്‌റസ കട്ടക്കുളം (കണ്ണൂര്‍), മദ്‌റസത്തുല്‍ ബയാന്‍ നെടുംപറമ്പ് (മലപ്പുറം), അല്‍മദ്‌റസത്തു ഉമറുബ്‌നുല്‍ ഖത്താബ് പോക്കുപ്പടി (പാലക്കാട്), അല്‍ഹുദാ മദ്‌റസ പനമുക്ക് (തൃശ്ശൂര്‍), മീലാദെ ശരീഫ് മദ്‌റസ കായംകുളം (ആലപ്പുഴ) എന്നീ മദ്‌റസകള്‍ക്കാണ് പുതുതായി അംഗീകാരം നല്‍കിയത്. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് വാര്‍ഷിക ജനറല്‍ബോഡി യോഗം 2022 ജനുവരി 15ന് വെളിമുക്ക് ക്രസന്റ് ബോര്‍ഡിംഗ് മദ്‌റസ ഓഡിറ്റോറിയത്തില്‍ ചേരാന്‍ തീരുമാനിച്ചു. കോട്ടയം ജില്ലയിലെ കുട്ടിക്കലില്‍ ഉരുള്‍പൊട്ടല്‍ മൂലം വീട് നഷ്ടപ്പെട്ട കുടുംബങ്ങള്‍ക്ക് സമസ്ത നിര്‍മ്മിച്ചു നല്‍കുന്ന വീടുകളുടെ നിര്‍മ്മാണ പ്രവര്‍ത്തികള്‍ ഉടനെ ആരംഭിക്കാന്‍ തീരുമാനിച്ചു.
പ്രസിഡണ്ട് പി.കെ. മൂസക്കുട്ടി ഹസ്രത്ത് അദ്ധ്യക്ഷനായി. ജനറല്‍ സെക്രട്ടറി എം.ടി. അബ്ദുല്ല മുസ്‌ലിയാര്‍ സ്വാഗതം പറഞ്ഞു. സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉല്‍ഘാടനം ചെയ്തു. പ്രൊഫ. കെ. ആലിക്കുട്ടി മുസ്‌ലിയാര്‍, പി.പി. ഉമ്മര്‍ മുസ്‌ലിയാര്‍ കൊയ്യോട്, കെ.ടി. ഹംസ മുസ്‌ലിയാര്‍, കെ. ഉമര്‍ ഫൈസി മുക്കം, ഡോ. ബഹാഉദ്ദീന്‍ മുഹമ്മദ് നദ്‌വി കൂരിയാട്, എ.വി. അബ്ദുറഹിമാന്‍ മുസ്‌ലിയാര്‍, എം. മൊയ്തീന്‍കുട്ടി ഫൈസി വാക്കോട്, ഡോ. എന്‍.എ.എം. അബ്ദുല്‍ ഖാദിര്‍, എം.സി. മായിന്‍ ഹാജി, എം.പി.എം. ഷരീഫ് കുരിക്കള്‍, കെ.എം. അബ്ദുല്ല മാസ്റ്റര്‍ കൊട്ടപ്പുറം, അബ്ദുല്‍ ഹമീദ് ഫൈസി അമ്പലക്കടവ്, അബ്ദുസ്സമദ് പൂക്കോട്ടൂര്‍, ഇ. മൊയ്തീന്‍ ഫൈസി പുത്തനഴി, ഇസ്മായില്‍ കുഞ്ഞു ഹാജി മാന്നാര്‍, എസ്. സഈദ് മുസ്‌ലിയാര്‍ വിഴിഞ്ഞം, എം. അബ്ദുറഹിമാന്‍ മുസ്‌ലിയാര്‍ കൊടക്, ചര്‍ച്ചയില്‍ പങ്കെടുത്തു. മാനേജര്‍ കെ. മോയിന്‍കുട്ടി മാസ്റ്റര്‍ നന്ദി പറഞ്ഞു.

സമസ്ത വനിതാ കോളേജ്: പ്രീ സ്കൂള്‍ അധ്യാപിക പരിശീലന കോഴ്സിന് തുടക്കമായി

ചേളാരി: സമസ്ത കേരള ഇസ്ലാം മത വിദ്യാഭ്യാസ ബോര്‍ഡിനു കീഴിലുള്ള കോ-ഓര്‍ഡിനേഷന്‍ ഓഫ് കോളേജസ് ഫാളില, ഫളീല കോഴ്സിന്റെ ഭാഗമായുള്ള പ്രീസ്കൂള്‍ അധ്യാപിക പരിശീലന കോഴ്സിന് (ഫീറ്റ്) തുടക്കമായി. വെളിമുക്ക് ക്രസന്റ് ബോര്‍ഡിംഗ് മദ്റസ ഓഡിറ്റോറിയത്തില്‍ നടന്ന പരിശീലനം സി.എസ്.ഡബ്ലിയു.സി കണ്‍വീനര്‍ അബ്ദുസ്സമദ് പൂക്കോട്ടൂര്‍ ഉദ്ഘാടനം ചെയ്തു. സമസ്ത കേരള ഇസ്ലാം മത വിദ്യാഭ്യാസ ബോര്‍ഡ് ജനറല്‍ മാനേജര്‍ കെ.മോയിന്‍കുട്ടി മാസ്റ്റര്‍ അദ്ധ്യക്ഷനായി. ക്രസന്റ് ബോര്‍ഡിംഗ് മദ്റസ മാനേജര്‍ ഹാജി.പി.കെ മുഹമ്മദ്, സി.എസ്.ഡബ്ല്യു.സി കോഓര്‍ഡിനേറ്റര്‍ കബീര്‍ ഫൈസി ചെമ്മാട് പ്രസംഗിച്ചു. ബോര്‍ഡ് ഓഫ് സ്റ്റഡീസ് അംഗങ്ങളായ പി.കെ ഷാഹുല്‍ഹമീദ് മാസ്റ്റര്‍ മേല്‍മുറി,  റഹീം ചുഴലി, ശംസുദ്ധീന്‍ മാസ്റ്റര്‍ ഒഴുകൂര്‍, എ. മുഹമ്മദ് മാസ്റ്റര്‍, ഫൈസല്‍ കൊളത്തൂര്‍, പി.സി സിദ്ദീഖുല്‍ അക്ബര്‍ വാഫി എന്നിവര്‍ നേതൃത്വം നല്‍കി. വിവിധ ജില്ലകളില്‍ നിന്ന് തെരഞ്ഞെടുക്കപ്പെട്ട 60 അധ്യാപികമാരാണ് പരിശീലനത്തില്‍ പങ്കെടുക്കുന്നത്.

സുറൂറെ മദീന: അവാര്‍ഡ് ദാനവും അനുസ്മരണ സമ്മേളനവും ശ്രദ്ധേയമായി

അന്തമാന്‍: സുറൂറെ മദീന – 2021 എന്ന പേരില്‍ സമസ്ത അന്തമാന്‍ വാട്‌സ്ആപ്പ് ഗ്രൂപ്പ് നടത്തിയ ഓണ്‍ലൈന്‍ ഫെസ്റ്റിലെ വിജയികള്‍ക്കുള്ള അവാര്‍ഡ് ദാനവും ആനമങ്ങാട് അബ്ദുറഹിമാന്‍ മുസ്‌ലിയാരുടെ അനുസ്മരണ സമ്മേളനവും ശ്രദ്ധേയമായി. വിംബര്‍ലിഗഞ്ച് സീപീസ് ഓഡിറ്റോറിയത്തില്‍ സംഘടിപ്പിച്ച പരിപാടിയില്‍ നൂറ് കണക്കിന് പേര്‍ സംബന്ധിച്ചു. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ മാനേജര്‍ കെ. മോയിന്‍കുട്ടി മാസ്റ്റര്‍ ഉല്‍ഘാടനം ചെയ്തു. സമസ്ത അന്തമാന്‍ ജില്ലാ പ്രസിഡണ്ട് എം. സുലൈമാന്‍ ഫൈസി അദ്ധ്യക്ഷനായി. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് സെക്രട്ടറി ഡോ. എന്‍.എ.എം. അബ്ദുല്‍ ഖാദിര്‍ മുഖ്യപ്രഭാഷണം നടത്തി. മുഫത്തിശ് നാലകത്ത് അബ്ദുറസാഖ് ഫൈസി, ഒ.എം.എസ്. സീതിക്കോയ തങ്ങള്‍, സയ്യിദ് ഉമറലി തങ്ങള്‍ ഹുദവി, ഒ.എം.എസ്. സൈഫുദ്ദീന്‍ തങ്ങള്‍, സമസ്ത ജില്ലാ സെക്രട്ടറി സൈനുദ്ദീന്‍ ഫൈസി, ഇസ്മായില്‍ ഫൈസി, സി.പി. മുഹമ്മദ് സാഹിബ്, ഹനീഫ് ബാബു, അബു ഹാജി, ഹുസൈന്‍ ഹാജി, സൈദു ഹാജി, ഇബ്രാഹീം ഫൈസി, നാസര്‍ ദാരിമി, അബ്ദുല്‍ ഖാദര്‍ നിസാമി പ്രസംഗിച്ചു. കെ. യൂസഫ് ഖാസിമി സ്വാഗതവും അബ്ദുസ്സമദ് ഹുദവി നന്ദിയും പറഞ്ഞു.

അന്തമാനിലെ മദ്രസ്സകൾ കാര്യക്ഷമമാക്കാൻ കർമ്മ പദ്ധതികൾ

അന്തമാൻ :സമസ്ത കേരള ഇസ്ലാം മത വിദ്യാഭ്യാസ ബോർഡിന്റെ അംഗീകാരത്തോടെ അന്തമാനിൽ പ്രവർത്തിക്കുന്ന മദ്രസ്സകളുടെ പ്രവർത്തനങ്ങൾ കൂടുതൽ കാര്യക്ഷമമാക്കാൻ വിവിധ കർമ്മ പദ്ധതികൾക്ക് രൂപം നൽകി. സമസ്ത കേരള ഇസ്ലാം മത വിദ്യാഭ്യാസ ബോർഡ്‌ നിർവ്വാഹക സമിതി യോഗ തീരുമാന പ്രകാരം വിദ്യാഭ്യാസ ബോർഡ്‌ സെക്രട്ടറി ഡോ. എൻ. എ. എം. അബ്ദുൽ ഖാദർ, മാനേജർ കെ. മോയിൻകുട്ടി മാസ്റ്റർ, മുഫത്തിശ് നാലകത്ത് അബ്ദുറസാക് ഫൈസി എന്നിവർ അന്തമാനിൽ നടത്തിയ പര്യടനത്തെ തുടർന്നാണ് കോവിഡാനന്തര മദ്റസ പ്രവർത്തനത്തിന് പ്രത്യേക പരിപാടികൾ ആവിഷ്കരിച്ചത്. സമസ്തയുടെ അംഗീകാരത്തോടെ 23 മദ്രസ്സകളാണ് അന്തമാനിൽ പ്രവർത്തിക്കുന്നത്.
പ്രീ പ്രൈമറി മുതൽ പ്ലസ് ടു ക്ലാസ്സ് വരെ പഠനം ഉറപ്പാക്കൽ, ഭൗതിക സൗകര്യങ്ങൾ മെച്ചപ്പെടുത്തൽ, ഗുണമേന്മാ പഠനത്തോടൊപ്പം പ്രായോഗിക പരിശീലനം ലഭ്യമാക്കൽ, തുടങ്ങിയവ ലക്ഷ്യമാക്കി വിവിധ മദ്റസകളിലെ മാനേജ്മെന്റ് പ്രതിനിധികൾ, മുഅല്ലിംകൾ, രക്ഷിതാക്കൾ എന്നിവരുടെ സംയുക്ത യോഗത്തിൽ വെച്ചാണ് പരിപാടികൾ ആവിഷ്കരിച്ചത്.
വിദ്യാഭ്യാസ ബോർഡ്‌ സെക്രട്ടറി ഡോ. എൻ.എ.എം. അബ്ദുല്‍ഖാദിർ ഉദ്ഘാടനം ചെയ്തു. ജനറൽ മാനേജർ കെ. മോയിൻകുട്ടി മാസ്റ്റർ അധ്യക്ഷനായി. മുഫത്തിശ് നാലകത്ത് അബ്ദുറസാക് ഫൈസി വിഷയാവതരണം നടത്തി. സമസ്ത അന്തമാൻ ജില്ലാ പ്രസിഡന്റ്‌ എം. സുലൈമാൻ ഫൈസി, റെയ്ഞ്ച് ജം ഇയ്യത്തുൽ മുഅല്ലിമീൻ സെക്രട്ടറി കെ. അബ്ദുസ്സലാം ഫൈസി, അന്തമാൻ സുന്നി ജമാഅത്ത് കൗൺസിൽ പ്രസിഡന്റ്‌ വി. എം. സൈനുദ്ധീൻ സേട്ട്, സെക്രട്ടറി ഒ. ബഷീർ,ജം ഇയ്യത്തുൽ ഉലമ സെക്രട്ടറി സൈനുദ്ധീൻ ഫൈസി, സയ്യിദ് ഉമറലി തങ്ങൾ ഹുദവി, അബ്ദുൽ ഖാദർ നിസാമി, അബ്ദുൽ ഖാദർ ബാഖവി, കെ. എം. ഹനീഫ, ഖാലിദ് ബാവു, അബ്ദുസ്സലീം ലത്തീഫി, ശരീഫ് ഫൈസി ബാമ്പു ഫ്ലാറ്റ്, നിസാർ ദാരിമി, അബ്ദുസ്സമദ് ഹുദവി, ഹുസൈൻ ഹാജി വിമ്പർലി ഗഞ്ച്, ഇസ്മായിൽ മുസ്ലിയാർ സി. എച്ച്, അബ്ദുസ്സമദ് ഫൈസി, കെ. മുഹമ്മദ്‌ റഫീഖ്‌, കെ. യൂസുഫ് ഖാസിമി, റഫീഖ്‌ ഖാസിമി പ്രസംഗിച്ചു. ഓഗ്രാബെഞ്ച്, ദിലാനിപൂർ, കാലിക്കറ്റ്, വിമ്പർലി ഗഞ്ച്, മണ്ണാർക്കാട് എന്നിവിടങ്ങളിൽ നടന്ന അധ്യാപക രക്ഷാകർതൃ സംഗമങ്ങളും റൗളത്തുൽ ഉലൂം അറബിക് കോളേജിൽ നടന്ന സമസ്ത റെയ്ഞ്ച് സമ്മേളനവും ശ്രദ്ധേയമായി.